ကမ္ဘာ့ အဆန်းကြယ်ဆုံး တိရစ္ဆာန် (၂၅) မျိုး


၁။ Leafy seadragon

1-sauleafyseadragon01.jpg

မြန်မာလို ဆိုရင်တော့ သစ်ရွက်များနဲ့ ပင်လယ်နဂါးလို့ ပြန်ဆိုလို့ ရပါတယ်။ သူ့ရဲ့ ကိုယ်မှာ အစိမ်း၊ လိမ္မော်နဲ့ ရွှေရောင်တို့ ပါရှိပါတယ်။ ခန္ဓာကိုယ်ရဲ့ အပြင်ဖက်ပိုင်းက ထူခြားပြီး သစ်ရွက်တွေနဲ့ တူလှပါတယ်။ သူ့ကိုယ်သူ ဖုံးကွယ်ထားဖို့၊ ဒါမှ အယောင်ဆောင်ဖို့ပဲ ဖြစ်ပါတယ်။ ရေမြင်းတွေလိုပဲ seadragon အထီးတွေဟာ ဥတွေကို သယ်ဆောင် ထားကြပါတယ်။ ဥပေါင်း ၁၅၀ ကနေ ၂၀၀ အထိ ဆိုပါတော့။ ဒီအကောင်တွေကို Australia မှာတော့ Australian seahorses လို့ ခေါ်ကြပါတယ်။ သူတို့ဟာ ခန့်မှန်းခြေအားဖြင့် ၅၀-၅၄ ဒီဂရီ ဖာရင်ဟိုက်အကြား အေးတဲ့ရေ၊ လှိုင်းမရှိတဲ့ရေတွေထဲမှာ တွေ့ရလေ့ရှိပါတယ်။ Leafy seadragon တွေကို Australia အစိုးရက ၁၉၈၂ ခုနှစ်ကနေစပြီး ထိန်းသိမ်း ထားခဲ့ခြင်း ဖြစ်ပါတယ်။

၂။ Sun Bear

2-Sun_Bear

ဒီအကောင်က ဝက်ဝံ မျိုးနွယ်ပါပဲ။ အဓိကအားဖြင့် အရှေ့တောင်အာရှရဲ့ အပူပိုင်းဇုန် သစ်တောတွေထဲမှာ တွေ့ရလေ့ရှိပါတယ်။ ၄ ပေလောက် မြင့်ပါတယ်။ တစ်ခါတစ်လေ ဒီအကောင်တွေကို ခွေးဝက်ဝံလို့လည်း ခေါ်တတ်ကြပါသေးတယ်။ ဘာကြောင့်လဲ ဆိုတော့ သူတို့ရဲ့ သေးငယ်တဲ့ × တွေကြောင့်ပါပဲ။ သူတို့ ခန္ဓာကိုယ်ဟာ ပျမ်းမျှအားဖြင့် ၁၄၅ ပေါင်လောက် ရှိပါတယ်။ အထီးတွေဟာ အမတွေထက် ကြီးပါတယ်။ အခြား ဝက်ဝံတွေထက် ထူးခြားချက်ကတော့ သူတို့ရဲ့အမွေးတွေဟာ တိုပြီး ချောမွတ်တောက်ပြောင်နေတာပါပဲ။ ဒီလိုမျိုး ဖြစ်နေခြင်းကလည်း သူတို့နေထိုင်ကြတဲ့ မြေနိမ့်ပိုင်း ရာသီဥတုကြောင့် ဖြစ်နိုင်ပါတယ်။ မည်းနက်နေတဲ့ ဒါမှမဟုတ် အညိုရောင်သမ်းနေတဲ့ အမွေးတွေက တစ်ကိုယ်လုံးကို ဖုံးအုပ်ထားပေမယ့် သူတို့ရဲ့ ရင်အုပ်ကတော့ လိမ္မော် – အဝါရောင် ဖျော့ဖျော့ပါပဲ။ ဆင်တွေရဲ့ အရောင်နဲ့တူတဲ့ အမွေးတွေကိုတော့ သူတို့ရဲ့ နှုတ်သီးနဲ့ မျက်လုံးများမှာ တွေ့ရပါတယ်။ ဒါကပဲ Sun bear လို့ခေါ်ရတဲ့ အကြောင်းရင်းတစ်ခု ဖြစ်ပါတယ်။

၃။ Komondor Dog

3-Komondor_Dog

ရှည်လျားလှတဲ့ အမွေးတွေနဲ့ ဖုံးအုပ်ထားတဲ့ ခွေး အမျိုးအစား ဖြစ်ပါတယ်။ သာမာန်အားဖြင့် ကြည့်လိုက်ရင် အမွေးတွေက ကြမ်းတမ်းနေပြီး အဲဒီ အမွေးတွေနဲ့ ပိနေတဲ့ ခွေးတွေလို့ ထင်စရာရှိပါတယ်။ တကယ့် လက်တွေ့မှာတော့ သူတို့ဟာ အလွန် လျင်မြန်ပြီး၊ သွက်လက်ကြပါတယ်။ ရှည်လျား၊ ထူထဲ ဖြောင့်စင်းပြီး ကြိုးလုံးပုံစံရှိတဲ့ အဖြူရောင် အမွေးတွေက ကမ္ဘာ့ ခွေးအမျိုးအနွယ်တွေထဲမှာ အများဆုံးပါပဲ။

၎။ Angora Rabbit

4-Angora_rabbit

Angora Rabbit တွေဟာ ယုန်အမျိုးအနွယ်တွေပါပဲ။ သူတို့ဟာ ရှေးကျတဲ့ အိမ်မွေး တိရစ္ဆာတွေပဲ ဖြစ်ပါတယ်။ အရုပ်ဆိုးလိုက်တာဆိုပြီး ပေါ့သေးသေးတော့ မတွက်လိုက်ပါနဲ့။ သူတို့ဟာ ၁၇၀၀ ပြည့်နှစ်များဆီက တော်ဝင် ပြင်သစ်မျိုးနွယ်တွေထဲမှာ ကျော်ကြားတဲ့ အိမ်မွေး တိရစ္ဆာန်တွေ ဖြစ်ခဲ့ကြပါတယ်။ အဲဒီ နှစ်များရဲ့ အဆုံးမှာတော့ ပြင်သစ်ကနေ အခြား ဥရောပနိုင်ငံတွေဆီကို ပျံ့နှံ့ခဲ့ပါတယ်။ ၁၉၀၀ ပြည့်နှစ်များဆီမှာ အမေရိကကို ပထမဆုံး ရောက်ရှိခဲ့ပါတယ်။

၅။ Red Panda

5-Red_Panda

ကြောင်တစ်ကောင်နဲ့ ခပ်ဆင်ဆင်ပါ။ ဒါပေမယ့် Red Panda တွေဟာ ကြောင်တွေထက် အနည်းငယ် ပိုကြီးကြပါတယ်။ သူတို့ ခြေဖဝါးဆီက အမွေးထူထူကြီးတွေက အအေးဒဏ်ကို ကာကွယ်ဖို့ အတွက်ပါ။ သူတို့ရဲ့ ဇာတိကတော့ နီပေါနဲ့ တရုတ်နိုင်ငံ တောင်ပိုင်း ဖြစ်ပါတယ်။ Panda ကို ဝက်ဝံလို့ပဲ ကျွန်တော်တို့ သိထားကြတာပါ။ တကယ်တော့ ပန်ဒါ (Panda) ဆိုတဲ့ စကားလုံးဟာ နီပေါတွေရဲ့ အသုံးအနှုန်းဖြစ်တဲ့ “ponya” ဆိုတဲ့ စကားလုံးကနေ ဆင်းသက်လာခဲ့ခြင်းပဲ ဖြစ်ပါတယ်။ ဝါးနဲ့ အပင်တွေကို စားတဲ့ တိရစ္ဆာန်လို့ အဓိပ္ပါယ်ရပါတယ်။

၆။ Sloth

6-Sloth

Sloth လို့ခေါ်တဲ့ (မျောက်မောင်းမ) မျောက်တွေဟာ အမေရိက အလယ်ပိုင်းနဲ့ တောင်ပိုင်းမှာ နေထိုင်တဲ့ နို့တိုက် သတ္တဝါတွေပဲ ဖြစ်ပါတယ်။ သူတို့ဟာ မျောက်ဆိုပေမယ့် အစုံစား သတ္တဝါတွေပါပဲ။ အင်းဆက်တွေ၊ ဖွတ်ပုတက် အသေးလေးတွေ၊ အသေကောင်တွေကိုလည်း စားကြပါတယ်။ သစ်ရွက်တွေကတော့ သူတို့ရဲ့ အဓိက အစားအစာပါပဲ။ Sloth တွေရဲ့ ဝမ်းဗိုက်ဟာ ကြီးပြီး အထူးပြုလုပ်ထားသလိုပါပဲ။ သူတို့ရဲ့ ဝမ်းဗိုက်ထဲမှာ အခန်းပေါင်း များစွာ ပါဝင်ပြီး အဲဒီထဲမှာရှိတဲ့ ဘက်တီးရီးယားတွေက မာကျောတဲ့ အရွက်တွေကို ချိုးဖျက်နိုင်စွမ်း ရှိပါတယ်။ ဒါပေမယ့် သူတို့ရဲ့ အစာချေဖျက်နိုင်စွမ်းဟာ နှေးကွေးပြီး အစာကြေဖို့ တစ်လ ဒါမှမဟုတ် တစ်လထက်ပိုပြီး အချိန်ယူရလေ့ရှိပါတယ်။ Sloth တွေဟာ များသောအားဖြင့် Cecropia သစ်ပင်တွေမှာ နေထိုင်လေ့ရှိကြပါတယ်။

၇။ Emperor Tamarin

7.Emperor_Tamarin

ကြည့်ရတာ နှုတ်ခမ်းမွှေး အဖြူကြီးတွေနဲ့ မျောက်တစ်ကောင်လိုပါပဲ။ အစကတော့ ဂျာမန် အင်ပါယာ Wilhelm II နဲ့ တူတယ်ဆိုပြီး Emperor Tamarin လို့ အမည်ပြောင် ပေးခဲ့ကြတာပါ။ နောက်ပိုင်းမှာ တရားဝင် သိပ္ပံနာမည် ဖြစ်လာခဲ့ပါတယ်။ သူတို့ဟာ Amazon အနောက်တောင် မြစ်ဝှမ်း၊ ပီရူး အရှေ့ပိုင်း၊ ဘိုလီးဗီးယား မြောက်ပိုင်းနဲ့ ဘရာဇီး အနောက်ပိုင်း ပြည်နယ်တွေမှာ နေထိုင်ကြလေ့ရှိပါတယ်။ Emperor Tamarin ရဲ့ အမွေးတွေဟာ များသောအားဖြင့် မီးခိုးရောင်များ ဖြစ်ကြပါတယ်။ ရင်ဘတ်မှာတော့ အဝါရောင်သမ်းနေတဲ့ အပြောက်ကလေးတွေ ရှိပါတယ်။ လက်နဲ့ ခြေမွေးတွေကတော့ အနက်ရောင်တွေပါ။ သူတို့ရဲ့ အမြီးကတော့ အညိုရောင် ရှိပါတယ်။ သူတို့ရဲ့ ထူးခြားချက်၊ ထင်ရှားချက်ကတော့ ရှည်လျားလှတဲ့ အဖြူရောင် နှုတ်ခမ်းမွှေးတွေပါပဲ။ သူတို့ဟာ သစ်တောတွေရဲ့ အတွင်းပိုင်းမှာ နေထိုင်လေ့ရှိကြပါတယ်။ မြန်ဆန်ပြီး သိုသိုသိပ်သိပ် လှုပ်ရှားတတ်တယ်။ အဝေးကိုလည်း ခုန်ကူးနိုင်စွမ်း ရှိကြပါတယ်။ Emperor Tamarin တွေဟာ သူတို့ရဲ့ အချိန် တော်တော်များများကို သစ်ပင်တွေကြားထဲမှာပဲ ကုန်ဆုံးလေ့ရှိကြပါတယ်။

၈။ White-faced Saki Monkey

8.Saki_Monkey

မှောင်ရီစ ပျိုးတဲ့အချိန်တွေ၊ ညဘက်တွေမှာသာ ဒီလို အကောင်မျိုးကို တွေ့လိုက်မယ်ဆိုရင် သရဲဆိုပြီး ထွက်ပြေးမိမှာပါ။ သူတို့ဟာ saki မျောက်မျိုးတွေရဲ့ မျိုးစိတ်တစ်ခုပါပဲ။ White-faced Saki လို့ ခေါ်ကြသလို Golden-faced Saki လို့လည်း ခေါ်ကြပါသေးတယ်။ Saki မျောက်မျိုးနွယ်တွေကို ဘရာဇီး၊ French Guiana, Guyana, Suriname နဲ့ ဗင်နီဇွဲလား နိုင်ငံတွေမှာ တွေ့ရလေ့ရှိပါတယ်။ White-faced Saki ဟာ များသောအားဖြင့် သစ်သီးတွေကိုသာ စားပြီး အခွံမာသီးတွေ၊ အစေ့တွေနဲ့ အင်းဆက်တွေကိုလည်း စားကြပါတယ်။

၉။ Tapir

9.Tapir

ဝက်တွေနဲ့ ခပ်ဆင်ဆင်တူပေမယ့် နှုတ်သီးပါနေတဲ့ တိရစ္ဆာန်တစ်မျိုးပါပဲ။ သူတို့ဟာ နို့တိုက်သတ္တဝါတွေပါ။ သူတို့ဟာ အမေရိက တောင်ပိုင်း ၊ အမေရိက အလယ်ပိုင်းနဲ့ အရှေ့တောင်အာရှမှာရှိတဲ့ တောနက်တွေ သစ်တောတွေထဲမှာ နေထိုင်လေ့ရှိပါတယ်။ သူတို့ရဲ့ အနီးစပ်ဆုံး ဆွေမျိုးတွေကို ပြောရမယ်ဆိုရင် မြင်းတွေနဲ့ ကြံ့တွေပါပဲ။

၁၀။ Hagfish

10.Hagfish

ပင်လယ် သတ္တဝါတစ်မျိုး ဖြစ်ပြီး သိပ္ပံအဖွဲ့ဝင်တွေနဲ့ ကျော်ကြားတဲ့ မီဒီယာတွေကတော့ Hagfish တွေကို ပင်လယ်နေ သတ္တဝါတွေထဲမှာ ရွံရှာစရာကောင်းတဲ့ သတ္တဝါလို့ အမည်တစ်မျိုး ပေးကြပါတယ်။ သူတို့ဟာ ရှည်လျားပြီး ချွဲကပ်နေတဲ့ အရည်တွေကို ထုတ်လွှတ်တဲ့ တိရစ္ဆာန်တွေပါပဲ။

၁၁။ Star-nosed Mole

11.Star-nosed_Mole

သူတို့ဟာ သေးငယ်တဲ့ မြောက်အမေရိက Mole တွေ ဖြစ်ကြပြီး ကနေဒါ အရှေ့ပိုင်းနဲ့ အမေရိကန် အရှေ့မြောက်ပိုင်းတွေမှာ တွေ့ရလေ့ရှိပါတယ်။ စိုစွတ်တဲ့ မြေနိမ့်ပိုင်းမှာ နေထိုင်လေ့ရှိပြီး အင်းဆက် ပိုးမွှားတွေကို စားကြပါတယ်။ သူတို့ဟာ ရေကူးကောင်းသူတွေလည်း ဖြစ်ကြပါတယ်။ တစ်ကိုယ်လုံးဟာ အနက်ရောင် အမွေးထူတွေနဲ့ ဖုံးလွှမ်းနေပြီး သူတို့ရဲ့ ခြေဖဝါးတွေဟာ အလွန်ပဲ ကြီးမားပါတယ်။ အရွယ်ရောက်တဲ့ Star-nosed Mole တွေဟာ ၁၅ စင်တီမီတာ ကနေ ၂၀ စင်တီမီတာအထိ မြင့်ကြပြီး အလေးချိန်အားဖြင့် ၅၅ ဂရမ်ရှိကာ သွားကတော့ ၄၄ ချောင်း ရှိတယ်လို့ သိရပါတယ်။

၁၂။ Proboscis Monkey

12-Proboscis_Monkey

ဒီမျောက်တွေရဲ့ ထူခြားချက်ကတော့ မျောက်ထီးတွေရဲ့ နှာခေါင်းဟာ ကြီးမားပြီး ရှေ့ကို ထိုးထွက်နေတာပါပဲ။ ဘယ်လို အကြောင်းကြောင့် အဲဒီလို ဖြစ်နေတာလဲ ဆိုတာကိုတော့ အတိအကျ မသိရပါဘူး။ လိင်ပိုင်းဆိုင်ရာကြောင့် ဖြစ်တာလို့ အကြံပြုကြတာပါပဲ။ မျောက်မတွေကလည်း နှာခေါင်းကြီးတဲ့ မျောက်ထီးကို ပိုပြီး နှစ်သက်ကြတယ်ဆိုပဲ။ Proboscis Monkey တွေဟာ နှာခေါင်း ကြီးရုံတင်မက ဝမ်းဗိုက်ကလည်း ကြီးကြပါသေးတယ်။

၁၃။ Pink Fairy Armadillo

13-Pink_Fairy_Armadillo

Armadillo ဆိုတဲ့ အဓိပ္ပါယ်ကို အဘိဓာန်ထဲမှာ ကြည့်မိတော့ သင်းခွေချပ်တွေလို ကြေးခွံမာတွေနဲ့ ဖုံးလွှမ်းလျက်ရှိပြီး အန္တရာယ်ရှိရင် ခွေလုံးနေတတ်တဲ့ သတ္တဝါ ဆိုပြီး ဖွင့်ဆိုထားတာကို တွေ့ရပါတယ်။ ဟုတ်ပါတယ်။ Pink Fairy Armadillo တွေဟာလည်း သင်းခွေချပ် မျိုးနွယ်တွေပဲ ဖြစ်ကြပါတယ်။ သူတို့ဟာ နှင်းဆီဖျော့ဖျော့ ဒါမှမဟုတ် ပန်းရောင် အဆင်းရှိပါတယ်။ အာဂျင်တီးနား အလယ်ပိုင်းမှာ တွေ့ရလေ့ရှိပြီး ပုရွက်ဆိတ်တွင်းတွေနားမှာ တွင်လေးတွေတူးပြီး နေထိုင်လေ့ရှိကြပါတယ်။ သူတို့ရဲ့ အဓိက အစားအစာကလည်း ပုရွက်ဆိတ်တွေပဲ ဖြစ်ကြပါတယ်။

၁၄။ Axolotl

14-Axolotl

Axolotl တွေကို အမေရိကန်၊ ဗြိတိန်၊ Australia နဲ့ ဂျပန်နိုင်ငံတွေမှာ အိမ်မွေးတိရစ္ဆာန်တွေအဖြစ် ထိန်းသိမ်းထားကြပါတယ်။ သူတို့ဟာ ရေပျော် သတ္တဝါလေးတွေဖြစ်ပြီး သာပေါက်လွယ်သလို၊ သူတို့ရဲ့ ခန္ဓာကိုယ် အစိတ်အပိုင်း အတော်များများကိုလည်း regenerate လုပ်နိုင်စွမ်းရှိကြပါတယ်။ ဒါကိုပဲ သိပ္ပံပညာရှင်တွေက ကျယ်ကျယ်ပြန့်ပြန့် လေ့လာနေကြပါတယ်။

၁၅။ Aye-aye

15-Aye aye

သူတို့ဟာ ညဘက်မှာ ကျက်စားတဲ့ တိရစ္ဆာန်တွေဖြစ်ပြီး အစာရှာတဲ့ နေရာမှာတော့ ပြိုင်ဘက်ကင်း ဆိုပဲ။ သူတို့ဟာ သစ်ပင်တွေကို ဖောက်ပြီး အစားအစာကို ရှာကြပါတယ်။ သစ်ပင်မှာရှိတဲ့ တွင်းလေးတွေကို တစ်စတစ်စ ကိုက်ဖဲ့ပြီး အဲဒီ တွင်းထဲမှာရှိတဲ့ အကောင်လေးတွေကို သူတို့ရဲ့ လက်ခလယ်လေးနဲ့ နှိုက်ထုတ်ပြီး စားလေ့ရှိကြပါတယ်။

၁၆။ Alpaca

16-Alpaca

သိုးတွေနဲ့ ခပ်ဆင်ဆင် တူပေမယ့် Alpaca တွေဟာ သိုးတွေထက် ပိုကြီးပြီး ရှည်ပါတယ်။ သူတို့ကို ပင်လယ် ရေမျက်နှာပြင်အထက် ၃၅၀၀ နဲ့ ၅၀၀၀ ကြားမှာရှိတဲ့ ချီလီ မြောက်ပိုင်း၊ အီကွေဒေါ၊ ပီရူးတောင်ပိုင်းနဲ့ ဘိုလီးဗီးယား မြောက်ပိုင်းတွေမှာ တစ်နှစ်ပတ်လုံး ထိန်းသိမ်းထားကြပါတယ်။

၁၇။ Tarsier

17-Tarsier

Tarsier တွေမှာ ကြီးမားတဲ့ မျက်လုံးတွေရှိပြီး ခြေထောက်တွေကလည်း ရှည်ပါတယ်။ သူတို့ဟာ insect တွေကို ခုန်ပြီး ဖမ်းလေ့ရှိကြပါတယ်။ ငှက်နဲ့ မြွေတွေကိုလည်း ဖမ်းပါတယ်။ သစ်ပင် တစ်ပင်နဲ့ တစ်ပင်ကို ခုန်ကူးနိုင်သလို ငှက်တွေကို ဖမ်းတဲ့အခါမှာလည်း အဲဒီလို ခုန်ကူးရင်းနဲ့ပဲ ဖမ်းနိုင်ကြပါတယ်။ Tarsier မျိုးစိတ် အားလုံးဟာ ညဘက်မှာ ကျက်စားတဲ့ သတ္တဝါတွေ ဖြစ်ပေမယ့် အချို့ကတော့ နေ့ဘက်မှာလည်း ကျက်စားကြပါတယ်။ အခြား ညကျက်စားတဲ့ တိရစ္ဆာန်တွေနဲ့ မတူတဲ့ အချက်ကတော့ သူတို့ရဲ့ မျက်လုံးမှာ light-reflecting ဧရိယာ ချို့တဲ့နေခြင်းပဲ ဖြစ်ပါတယ်။

၁၈။ Dumbo Octopus

18-Dumbo_Octopus

Octopus ဆိုကတည်းက ရေဘဝဲ အမျိုးအစားထဲက တစ်မျိုးဖြစ်တယ်ဆိုတာ သိရပါတယ်။ Dumbo ဆိုတဲ့ စကားကို ကြားဖူးကြမလား မသိဘူး။ ကာတွန်းဇာတ်ကောင်လေးရဲ့ အမည်ဖြစ်ပါတယ်။ ဆင်ပျံလေး Dumbo ပေါ့။ Dumbo Octopus တွေရဲ့ ခေါင်းအပေါ်ပိုင်းမှာ နားပုံစံနဲ့တူတဲ့ ရေယက်ကလေးတွေ ရှိပါတယ်။ Dumbo ရဲ့ နားရွက်တွေနဲ့ ဆင်နေလို့ ဒီ ဘဝဲလေးကိုလည်း Dumbo Octopus လို့ အမည်ပေးထားကြတာ ဖြစ်ပါတယ်။ သူတို့ဟာ အတွင်းပိုင်း အကျဆုံး နေရာတွေမှာ နေလေ့ရှိပြီး Octopoda မျိုးစိတ်တွေရဲ့ အရှားပါးဆုံး မျိုးစိတ်တွေပဲ ဖြစ်ကြပါတယ်။

၁၉။ Frill-necked Lizard

19-Frill-necked_Lizard

မြင်တဲ့အတိုင်းပါပဲ။ ပုတ်သင်ညိုလိုလို ဘာလိုလို အကောင်တွေပါ။ ဒါပေမယ့် သူတို့ရဲ့ ခေါင်းနဲ့ လည်ပင်းတွေမှာ ကြီးမားတဲ့ အရေပြားတွေ ရှိနေပါတယ်။ ဒါကပဲ သူတို့ကို Frill-necked Lizard လို့ အမည်တွင်စေတာပါ။ Frilled Dragon လို့လဲ ခေါ်ဆိုကြပါသေးတယ်။ Australia မှာတော့ Bicycle Lizard လို့ ခေါ်ကြပါတယ်။ သူတို့ဟာ အလျားအားဖြင့် တစ်မီတာ လောက်ပဲ ကြီးထွားနိုင်ကြပါတယ်။

၂၀။ Narwhal

20-Narwhal

Narwhal ဆိုတဲ့ အဓိပ္ပါယ်ကို Dictionary ထဲမှာ ကြည့်မိတော့ အာတိတ်ဒေသ ဝေလငါးဖြူလို့ ဖွင့်ဆိုထားတာကို တွေ့ရပါတယ်။ Narwhal တွေဟာ တောင်လတ္တီကျူ့ ၇၀ ဒီဂရီ N မှာ တွေ့ရတဲ့ ရှားရှားပါးပါး သတ္တဝါတွေပဲ ဖြစ်ကြပါတယ်။ သူတို့ဟာ ဧရာဝတီ လင်းပိုင်တွေနဲ့ ဆက်စပ်နေနိုင်ခြေ ရှိတယ်လို့ ဆိုထားပါတယ်။ Narwhal ဆိုတဲ့ အင်္ဂလိပ်စကားဟာ ဒက်ခ်ျ စကားဖြစ်တဲ့ narwal က လာတာဖြစ်ပြီး narwal ဆိုတာကလည်း ဒိန်းမတ် ဘာသာစကား narhval ဆိုတဲ့စကားက လာတာဖြစ်ပါတယ်။ အဓိပ္ပါယ်ကတော့ အလောင်းကောင် လို့ ထွက်ပါတယ်။ သူတို့ရဲ့ အရောင်တွေကြောင့်ပဲ ဒီနာမည် ပေးထားတာ ဖြစ်ပါတယ်။ နောက်ထပ်လည်း သူတို့ကို Moon Whale လို့ ခေါ်ကြပါသေးတယ်။

၂၁။ Sucker-footed Bat

21-Sucker-footed_Bat

Suck ဆိုတာက စုပ်သည်လို့ အဓိပ္ပါယ်ရပါတယ်။ sucker-footed Bat ဆိုတော့ စုပ်တတ်တဲ့ ခြေထောက်တွေပါတဲ့ လင်းနို့ လို့ အကြမ်းဖျင်းအားဖြင့် မှတ်လို့ရပါတယ်။ ပုံမှာမြင်ရတဲ့အတိုင်းပါပဲ။ သူရဲ့ ခြေထောက်တွေနဲ့ နံရံကို တွယ်ကပ်နေပေမယ့် ကြောင်တွေလို လက်သည်း၊ ခြေသည်းတွေနဲ့ ကုပ်အားယူပြီး တွယ်ကပ်နေတာ မဟုတ်ပါဘူး။ သူ့ရဲ့ နာမည်အတိုင်း စုပ်ခွက်တွေလို တွယ်ကပ် ထားတာပဲ ဖြစ်မှာပါ။

၂၂။ Pygmy Marmoset

22-Pygmy_Marmoset

Pygmy Marmoset ဆိုတဲ့ မျောက်မျိုးတွေဟာ ဘရာဇီးလ် အနောက်ပိုင်း၊ ကိုလံဘီယာ အရှေ့တောင်ပိုင်း၊ အီကွေဒေါ အရှေ့ပိုင်းနဲ့ ပီရူး အရှေ့ပိုင်းက သစ်တောတွေထဲမှာ နေထိုင်လေ့ရှိကြပါတယ်။ သူတို့ဟာ မျောက်အငယ်စား မျိုးထဲက တစ်မျိုးဖြစ်ပြီး သူတို့ရဲ့ ခန္ဓာကိုယ်ဟာ (အမြီးမပါ) အလျားအားဖြင့် ၁၄ စင်တီမီတာ ကနေ ၁၆ စင်တီမီတာ ကြားမှာပဲ ရှိပါတယ်။ သူတို့ရဲ့ လက်သည်း၊ ခြေသည်းတွေဟာ သစ်ပင်တွေတက်ဖို့အတွက် အထူးပြုလုပ်ထားသလား အောက်မေ့ရပါတယ်။ Pygmy Marmoset တွေဟာ အစုံစား သတ္တဝါတွေဖြစ်ပြီး သစ်သီး၊ သစ်ရွက်၊ အင်းဆက် တွေကို စားကြပါတယ်။ သူတို့ရဲ့ လျင်မြန်တဲ့ ရွေ့လျားမှုနဲ့ အရွယ်အစား သေးငယ်ခြင်းကြောင့် တောရိုင်းတိရစ္ဆာန်တွေထဲမှာ သူတို့ကို စောင့်ကြည့် လေ့လာဖို့ ခက်ခဲစေပါတယ်။

၂၃။ Blobfish

23-Blobfish

Blob ဆိုတာ အရည်စက် လို့ အဓိပ္ပါယ်ရပါတယ်။ Blobfish ဆိုတော့ အရည်စက်နဲ့တူတဲ့ ငါးမျိုးပေါ့ဗျာ။ နောက်တစ်ခုက လူရဲ့ မျက်နှာနဲ့တူတဲ့ငါး၊ အကျည်းတန်တဲ့ ငါးမျိုးပါပဲ။ Blobfish တွေဟာ Australia နဲ့ Tasmania ပင်လယ် ကမ်းရိုးတန်းက ရေနက်ပိုင်းတွေမှာ နေထိုင်လေ့ရှိကြပါတယ်။ သူတို့ကို လူတွေအနေနဲ့ မြင်တွေ့ဖို့ရန် ခက်ခဲပါတယ်။

၂၄။ Platypus

24-250px-Platypus

Platpus တွေကို စတင်တွေ့ရှိတုန်းက သူတိုရဲ့ ဥဥနေတဲ့ အသွင်အပြင်ကြောင့် ပညာရှင်တွေ ခေါင်းရှုပ်ခဲ့ရပါတယ်။ သူတို့ဟာ Tasmania အပါအဝင် Australia အရှေ့ပိုင်းမှာ တွေ့ရလေ့ရှိတဲ့ ရေပျော် နို့တိုက် သတ္တဝါတွေပဲ ဖြစ်ပါတယ်။ ၂၀ ရာစုနှစ် အစောပိုင်း မတိုင်ခင်က သူတို့ရဲ့ အမွှေးတွေကို ရှာဖွေ ရောင်းဝယ်မှုတွေ အလွန်ပဲ များပြားခဲ့ကြပါတယ်။ ဒါပေမယ့် အခုတော့ တားဆီးနိုင်ခဲ့ပါပြီ။

၂၅။ Shoebill

25-Shoebill

သူတို့ဟာ ငှက်ကျားတွေနဲ့ ဆက်စပ်မှုရှိနေတဲ့ ငှက်မျိုးစိတ်တွေဖြစ်ပြီး အလွန်ကြီးမားတဲ့ ငှက်မျိုးတွေ ဖြစ်ကြကာ Whalehead လို့လည်း ခေါ်ကြပါသေးတယ်။ Shoebill ဆိုတဲ့ အမည်ဟာ အလွန်တရာ ကြီးမားတဲ့ ရှုးဖိနပ်ပုံစံ နှုတ်သီး ဆိုတာက ဆင်းသက်လာတာ ဖြစ်ပါတယ်။ အင်္ဂလိပ်လိုတော့ massive shoe-shaped bill ပေါ့ဗျာ။ သူတို့ရဲ့ အမြင့်ဟာ ၄ ပေရှိပြီး၊ တောင်ပံတွေပါ ဖြန့်ပြီး တိုင်းမယ်ဆိုရင် ၇.၇ ပေလောက် ကျယ်ပါလိမ့်မယ်။ အရွယ်ရောက်ပြီး အကောင်တွေဟာ မီးခိုရောင်ရှိပြီး၊ ငယ်တဲ့ အကောင်တွေကတော့ အညိုရောင်ရှိပါတယ်။ Shoebill တွေဟာ အာဖရိက အရှေ့ပိုင်းက အပူပိုင်းဒေသတွေမှာ နေထိုင်လေ့ရှိပြီး ဆူဒန်ကနေ ဇမ်ဘီယာအထိ ရှိတဲ့ ကြီးမားတဲ့ ရွှံ့ဗွက်ထဲမှာလည်း နေထိုင်လေ့ရှိကြပါတယ်။ The God must be Crazy ဇာတ်ကားထဲက ငှက်ကြီးတွေဟာ Shoebill တွေများ ဖြစ်နေမလားပဲ။

၂၆။ Yeti Crab

26-Yeti_Crab

Yeti ဆိုတာက နှင်းလူ၊ Crab ဆိုတာ ပုဇွန်လုံး ဒီတော့ Yeti Crab ဆိုတာ နှင်းလူနဲ့တူတဲ့ ပုဇွန်လုံး ဒါမှမဟုတ် ဂဏန်းလို့ အဓိပ္ပါယ် ရမှာပေါ့။ သူတို့ကို ကြည့်ရတာလည်း ဖြူဖြူ အမွေးတွေနဲ့မို့ ဒီနာမည် ပေးထားတာ ဖြစ်ပါလိမ့်မယ်။ Teti Crab တွေကို ၂၀၀၅ ခုနှစ်က တောင်ပစိဖိတ် သမုဒ္ဒရာထဲမှာ တွေ့ရှိခဲ့ရခြင်း ဖြစ်ပါတယ်။

(၂၅) မျိုး ဆိုပေမယ့် မူရင်း source မှာ ရေးထားတဲ့အတိုင်း ၂၆ မျိုးလုံးကိုပဲ ရေးထားပါတယ်။ http://divaboo.info/ ဆိုတဲ့ နေရာကနေ ကျွန်တော် တတ်သလောက်၊ မှတ်သလောက် ဘာသာပြန်ပြီး ဗဟုသုတအလို့ငှာ ဝေငှရခြင်း ဖြစ်ပါတယ်။ တကယ်လို့များ အမှားအယွင်းရှိတဲ့ရင် ထောက်ပြပေးစေချင်ပါတယ် ခင်ဗျာ။

ကြိုးစားလျှက်,
အံစာတုံး

Comment Here

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s