ထူးဆန်းသော ဈေးသည်


+++++++++++++++++++++++++

တစ်နေ့သ၌ အသက်အားဖြင့် (၄၀) ဝန်းကျင်ခန့် ရှိပြီး လွန်စွာ ခါးကုန်းသော ခါးကုန်းကြီး တစ်ယောက်သည် တောင်းကြီး နှစ်တောင်းအား ထန်းပိုးဖြင့် လျှိုထမ်းလျက် ပတ္တမြား မည်သော မနက်ခင်း ဈေးလေးဆီသို့ တရွေ့ရွေ့ဖြင့် လျှောက်လှမ်းလာသည်ကို တွေ့ရလေ၏။ ခါးကုန်းကြီး ၏ အဝတ်အစား တို့သည် လွန်စွာ ဟောင်းနွမ်းနေပြီ ဖြစ်သည့်အပြင် အဖာအထေးရာများ ဖြင့်လည်း ပြည့်နှက်နေလေသည်။ သူ၏ ဦးခေါင်းထက်မှ ဆံပင်တို့သည်လည်း အသက်အရွယ်နှင့် မလိုက်အောင် ဆွတ်ဆွတ် ဖြူနေလျက် ရှိလေသည်။ ခါးကုန်း နေသည့်အတွက်ကြောင့် ၎င်း ထမ်းလာသော တောင်းကြီး နှစ်လုံးသည်လည်း မြေကြီးနှင့် ထိကပ်လုနီး အနေအထား ဖြစ်နေလေတော့၏။

မနက်ခင်း ဈေးလေးသည် ထွက်ပေါ်စ နေရောင်အောက်တွင် ရောင်းသူ၊ ဝယ်သူတို့ဖြင့် စည်ကားလျက် ရှိနေ၏။ ထိုနေရာ ဝန်းကျင် တစ်ဝိုက်သည်လည်း ၎င်းတို့၏ စကားသံများဖြင့်လည်း ဆူညံလျက် ရှိသည်ဟူ၍လည်း ဆိုနိုင်ပေသည်။ အလိုရှိရာ လာရောက် ဝယ်ယူကြသူများ၊ အမြတ်အစွန်း ရရှိနိုင်ရန် ဦးတည် ရောင်းချသော ဈေးသည်များ အနေဖြင့် အဆိုပါ မနက်ခင်း ဈေး မြင်ကွင်းသည် ဆန်းကြယ်လှမည် မဟုတ်သော်လည်း ဆိတ်ငြိမ်ရာ အရပ်သို့ ကပ်ရောက်၍ တရားဘာဝနာ အားထုတ်နေသော ပုဂ္ဂိုလ်များ အနေဖြင့်မူ ထိုမြင်ကွင်းသည် တရား နှလုံးသွင်းနိုင်ဖွယ် မြင်ကွင်းတစ်ခု ဖြစ်နေမည်လောဟု ကျွန်ုပ် တွေးမိပါသေး၏။

ခါးကုန်းကြီး သည် မနက်ခင်း ဈေးထိပ်သို့ ရောက်သော အခါတွင် လွတ်လျက် ရှိသော ဈေးလမ်းဘေး တစ်နေရာသို့ သွားရောက်ကာ ၎င်း၏ တောင်းကြီး နှစ်လုံးအား ချလိုက်လေ၏။ ပြီးနောက်တွင် ခါးကုန်းကြီးသည် ၎င်း၏ လွယ်အိတ်စုတ်ကြီး အတွင်းမှ ဆေးလိပ်ကြီးအား ထုတ်ယူ၍ မီးညှိ ရှိုက်ဖွားနေရင်းဖြင့် ဝယ်သူအား မျှော်လင့်နေလေတော့သည်။

++++++++++++++++++++++++

“ဦးလေး …။ ဒီကလေးလေးတွေက ဦးလေး ကလေးတွေလား…”

ဟူ၍ ဈေးဝယ်သူ မိန်းမ တစ်ယောက်မှ အဆိုပါ ခါးကုန်းကြီး၏ တောင်းနှစ်လုံး အတွင်းမှ အသက် အားဖြင့် (၁) နှစ်ခန့် အရွယ် ကလေးငယ်လေး နှစ်ယောက်အား ကြည့်၍ မေးမြန်းလိုက်ခြင်း ဖြစ်လေသည်။ ထိုအခါ ခါးကုန်းကြီးမှ လွန်စွာ မာကျော၍ ကျယ်လောင်သော အသံဖြင့် အဆိုပါ မိန်းမ အား ပြန်လည်၍ ဤသို့ ပြောလေ၏။

“အဲ့ဒါ မမေးပါနဲ့။ ဝယ်မယ်ဆို ဈေးပြောမယ်”

ယင်းသို့ ခါးကုန်းကြီးမှ ခပ်ပြတ်ပြတ် ဆိုသကဲ့သို့ ပြောလိုက်သော အခါတွင် မေးမြန်းနေသော မိန်းမကြီးမှာ အံအားသင့်သွားလေ၏။ ထို့ပြင် ခါးကုန်းကြီး၏ ဝဲယာတွင် ရောင်းချနေသော ဈေးသည် များမှလည်း ခါးကုန်းကြီးအား တစ်လှည့် ကလေးငယ် နှစ်ယောက်အား တစ်လှည့် ကြည့်ရှုကာ အထူးအဆန်းသဖွယ် ဖြစ်နေလေတော့သည်။ ၎င်းတို့ အနေဖြင့် လူမသိ သူမသိ ကလေး စွန့်ပစ်ခြင်း ကိုသာ ကြားဖူး ကြုံဖူးကြသော်လည်း ယခု ခါးကုန်းကြီးမှာမူ ကလေးများအား တောင်းဖြင့် ထည့်၍ ကုန်ပစ္စည်းသဖွယ် ရောင်းချနေခြင်းကြောင့် အံ့သြတကြီး ဖြစ်၍ နေလေတော့၏။ များမကြာမီ အချိန်အတွင်း၌မူ ဈေးဝယ်သူ ဈေးရောင်းသူ များသည် တစ်ယောက်တစ်ပေါက် ပြောကြ ဆိုကြရင်းဖြင့် ခါးကုန်းကြီး နှင့် တောင်းကြီးနှစ်လုံး အတွင်းမှ ကလေးငယ် နှစ်ယောက်အား အထူးအဆန်းသဖွယ် လာရောက် ကြည့်ရှုကြရင်းဖြင့် မျက်လှည့်ဝိုင်းကဲ့သို့ ခါးကုန်းကြီး နားတွင် လူများ တစ်စထက် တစ်စ အုံခဲ လာလေတော့၏။

++++++++++++++++++++++

ယင်းအခိုက်တွင် လူအုပ်ကြီး အတွင်းမှ ခပ်ဝဝ မိန်းမကြီး တစ်ဦးသည် ခါးကုန်းကြီးအား ဤသို့ လှမ်း၍ မေးလေ၏။

“ဒီမယ်၊ ဒီကလေးတွေက ရောင်းဖို့ဆိုတာ ဟုတ်သလား”

ထိုအခါ ခါးကုန်းကြီးမှာ အဆိုပါ မိန်းမကြီးအား လှမ်း၍ ကြည့်လေ၏။ ၎င်းအကြည့်မှာ ခြေဆုံး ခေါင်းဆုံး ကြည့်သော အကြည့် ဖြစ်လေသည်။ အဆိုပါ မိန်းမကြီးမှာ လွန်စွာ ကြီးမားသော ရွှေဆွဲကြိုးကြီးအား ကြွားဝါရန် ဟူသော ရည်ရွယ်ချက်ဖြင့် လည်ပင်း အညောင်းခံ၍ အင်္ကျီ၏ အပြင်သို့ ထုတ်ကာ ဆွဲထားလေ၏။ ၎င်း၏ လက်တွင်လည်း အလေးခံကာ ဝတ်ဆင်ထားသော ရွှေလက်စွပ်များ၊ ရွှေလက်ကောက်များဖြင့် ပြည့်နေသည်ကို တွေ့ရလေ၏။ ခါးကုန်းကြီးသည် ယင်းသို့ ကြည့်လိုက်ပြီးနောက် ….

“ဟုတ်တယ် ရောင်းဖို့ပဲ။ ဝယ်မယ်ဆို ဈေးပြောမယ်”

ဟူ၍ ခပ်ဆတ်ဆတ် ဆိုလေသည်။ ထိုအခါ မိန်းမကြီးမှလည်း မာကျောသော အသံဖြင့် ပြန်လည် ပြောဆိုပြန်လေ၏။

“ဝယ်မလို့ မေးနေတာ၊ ဘယ်ဈေးလဲ ပြော”

ခါးကုန်းကြီးနှင့် ရောင်းရန် ဟူသော ကလေးငယ်တို့အား အထူးအဆန်း အဖြစ် လာရောက် ကြည့်ရှုနေသော လူအများမှာ ယင်းကဲ့သို့ မိန်းမကြီးနှင့် ခါးကုန်းကြီး တို့ ဈေးညှိနေကြခြင်းအား စိတ်ဝင်တစား ကြည့်နေရင်းဖြင့် တစ်ယောက် တစ်ပေါက် ထင်ကြေးပေး ပြောဆိုနေကြရာ အဆိုပါ နေရာလေးမှာ လက်ပံပင် ဇရပ်ကျသကဲ့သို့ ဖြစ်၍ နေပေတော့၏။

+++++++++++++++++

“ဒီမယ် … ဒီမယ် .. ခဏလောက် ငြိမ်ငြိမ်လေး နေပေးကြပါ”

အဆိုပါ အသံမှာ လူအုပ်ကြီးအား လွှမ်းမိုးလျက် ထွက်ပေါ်လာလေသည်။ လွန်စွာ အောင်သော အသံဟု ဆိုနိုင်ပေသည်။ ထိုအသံကြောင့် လူအုပ်ကြီးမှာ မီးကို ရေဖြင့် ဖျန်းပက်လိုက်သကဲ့သို့ ရုပ်ချည်း ငြိမ်ကျသွားလေ၏။ ထို့နောက် အသံပိုင်ရှင်အား ကြည့်လိုက်ကြလေ၏။ အသံပိုင်ရှင်မှာ အသက် (၂၅) နှစ် ဝန်းကျင်ခန့်သာ ရှိသေးသော လွန်စွာ လှပသည့် မိန်းမပျိုလေး တစ်ယောက် ဖြစ်နေသည်ကို တွေ့လိုက်ရလေ၏။

ယင်းသို့ အသံများ တိတ်သွားသောအခါတွင် အသံရှင် မိန်းမပျိုမှာ ကလေး ရောင်းနေသော ခါးကုန်းကြီး ဘက်သို့ လှည့်၍ ……

“အကိုကြီး ဆိုတဲ့ ဈေးအတိုင်း ကျမ ပေးပါမယ်။ ကျမကို ရောင်းပါ”

ဟူ၍ ပြောပြောဆိုဆို ပိုက်ဆံများအား ရေတွက်၍ ပေးလိုက်သည်ကို တွေ့ရလေ၏။ ထိုအခါ ခပ်ဝဝ မိန်းမကြီးမှာ အသံရှင် မိန်းမပျိုအား မကြည်သလို အကြည့်ဖြင့် ကြည့်လိုက်ပြီးနောက် ခါးကုန်းကြီး ဘက်သို့ လှည့်ကာ …

“ဒီမှာ ကျမ အရင်မေးတာ၊ ကျမ အရင်ဝယ်တာ၊ ဒီတော့ ကျမကိုပဲ ရောင်းပါ”

ဟူ၍ ပြောပြောဆိုဆို ၎င်း၏ ပိုက်ဆံအိတ်ကြီး အတွင်းမှ ငွေစက္ကူများအား ထုတ်ယူ ရေတွက်ကာ ပေးလိုက်လေ၏။

အဆိုပါ ကလေးနှစ်ယောက်အား နှစ်ယောက်ပြိုင် ဝယ်ယူနေကြသော မြင်ကွင်းအား လာရောက်၍ ကြည့်ရှုနေကြသော လူအများမှ စိတ်ဝင်တစား စောင့်ကြည့်နေကြသည့် နည်းတူ ခါးကုန်းကြီး မှာလည်း ခပ်ဝဝ မိန်းမကြီးအား တစ်လှည့်၊ အသံရှင် မိန်းမပျိုအား တစ်လှည့် ကြည့်ရှုကာဖြင့် မည်သူ့ကို ရောင်းရမည်နည်း ဟူ၍ စဉ်းစား တွေးတောကာ နေသည်ကို တွေ့ရလေတော့၏။

နောက်ဆုံးတွင်မူကား ခါးကုန်းကြီးမှနေ၍ ၎င်း၏ ညာဖက် အခြမ်းတွင် ရှိနေသော ခပ်ဝဝ မိန်းမကြီးအား ညာဖက် တောင်းအတွင်းမှ အိပ်ပျော်နေလျက် ရှိနေသော ကလေးငယ်အား ရောင်းချလိုက်ပြီး ဘယ်ဘက် အခြမ်းမှ အသံရှင် မိန်းမပျိုလေးကိုမူ ဝိုင်းအုံ ကြည့်နေသည့် လူအများအား သဘောကျစွာ တခစ်ခစ် ရယ်မောနေသော ဘယ်ဘက် တောင်းအတွင်းမှ ကလေးငယ်လေးအား ရောင်းချလိုက်လေတော့၏။

ဤသို့ဖြင့် မနက်ခင်း ဈေးထိပ်တွင် အထူးအဆန်း စိတ်ဝင်စားဖွယ် ဖြစ်နေသော ကလေး ရောင်းပွဲကြီး ပြီးသွားသည်နှင့် ကလေး ဝယ်ယူသွားသော ခပ်ဝဝ မိန်းမကြီးနှင့် ၎င်း၏ အခိုင်းအစေ မိန်းကလေး သည် အိပ်ပျော်နေသည့် ကလေးငယ်အား ခေါ်ဆောင်လျက် ဈေးအတွင်းမှ ထွက်ခွာ သွားပြီ ဖြစ်သလို၊ အသံအောင်သော မိန်းမပျိုလေးမှာလည်း ဝယ်ယူလိုက်သည့် ကလေးငယ်လေးအား ထွေးပိုက်ကာ ထွက်ခွာ သွားပြီ ဖြစ်လေ၏။

ထိုနည်းတူ ကလေး လာရောင်းသော ထူးဆန်းသော ဈေးသည် ခါးကုန်းကြီး မှာလည်း ဟင်းသီးဟင်းရွက်၊ အသားငါးများဖြင့် ပြည့်နေသော တောင်းကြီး နှစ်လုံးအား ထမ်းပိုးလျက်၊ ၎င်း၏ ပါးစပ်တွင်လည်း စီးကရက် တစ်လိပ်အား ဖွဖွလေး ကိုက်ခဲထားရင်း အကျေနပ်ကြီး ကျေနပ်နေသော အပြုံးများဖြင့် ဈေးနှင့် ဝေးရာဆီသို့ တရွေ့ရွေ့ဖြင့် ထွက်ခွာသွားခဲ့ လေတော့သတည်း။

+++++++++++++++++++++++++

https://mandalaygazette.com/165189/creative-writing

+++++++++++++++++++++++++

ရေးသူ – မဟာရာဇာ အံစာတုံး

Comment Here

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s