တစ်နှစ်တာ မှတ်တမ်း (၂၀၁၃)


=============================

နှစ်ဟောင်းကုန်လို့ နှစ်သစ်ကို ပြောင်းတော့မယ်။

ဒီလို အခါမျိုးမှာ တစ်နှစ်စာ အတိတ်စာမျက်နှာကို လှန်ကြည့်မိပြန်တော့

ရင်ထဲမှာ ဖီလင်တစ်မျိုး ဖြစ်ရပြန်တယ်။

ဘာဖြစ်ဖြစ် ကျေနပ်စရာပါပဲ။

တစ်နှစ်တာအတွင်း ရေးခဲ့တဲ့ ပို့စ်တွေ အများစုကို ပြန်စုစည်းလိုက်တယ်။

ဒါကိုပဲ ခင်ဗျားတို့ကို ပြသရင်းနဲ့

နှစ်သစ်နှစ်မြတ် ဖြစ်ပါစေကြောင်း ချစ်စွာသော မိတ်ဆွေအပေါင်းအတွက် ဆုတောင်းမေတ္တာ ပို့သလိုက်ပါကြောင်း ………….။

ချစ်ခြင်းများဖြင့် ….

မဟာရာဇာ အံစာတုံး

=============================

1. ကျုပ်ကို ………. (http://mandalaygazette.com/162172)



ကျုပ်ကို …
တချို့က ပြောကြတယ် …..
ဆံပင်က ဖြစ်သလိုထား
အဝတ်ကလည်း မသားနား
ဖိနပ် ၁၅၀၀ တန်များနဲ့
ဖွတ်ကျား … တဲ့ …။

———————————————–

2. ကမ္ဘာ့ အန္တရာယ်အများဆုံး တိရစ္ဆာန် (၁၀) မျိုး (http://mandalaygazette.com/162494)



၁။ ခြင် (Mosquito)
ရိုးရိုး အမြင်အားဖြင့် ကြည့်မယ်ဆိုရင် ” ခြင် ဆိုတဲ့ အကောင်တွေက ဘာအန္တရာယ် ရှိလို့လဲ ..? ” ဆိုပြီး မေးခွန်း ထုတ်နိုင်ပါတယ်။ ဟုတ်ကဲ့ …။

ခြင်တွေက အရွယ်အစားအားဖြင့် လူတစ်ယောက်ရဲ့ လက်သည်းခွံလောက်တောင် မရှိပါဘူး။ လာကိုက်သလား …၊ ဖြတ်ခနဲ ရိုက်သတ်လိုက်ရုံပါပဲ။

ဒါပေမယ့် ခြင်ဆိုတဲ့ အကောင်တွေက တကယ့်ရောဂါပိုးတွေကို သယ်ဆောင် ထားကြပါတယ်။ ဒါကြောင့်ပဲ ကမ္ဘာ့ လူသတ်သမား အကြီးစားတွေ

လို့တောင်မှ သတ်မှတ်ထားကြပါသေးတယ်။

———————————————–

Continue reading

Advertisements

ငရမန်ကန်း အမှန်တရား


==============================

တစ်နေ့သ၌ လွန်စွာ အသား ဖြူသော လူတစ်ယောက်နှင့် လွန်စွာ အသား မည်းသော လူတစ်ယောက် တို့သည် ရန်ကုန်မြို့၊ သင်္ဃန်းကျွန်းမြို့နယ်၊ လိုတရလမ်းလေးအတွင်း ဖွင့်လှစ်ထားသော လဖက်ရည်ဆိုင်လေး၏ ရှေ့မျက်နှာစာအကျဆုံး စားပွဲဝိုင်းတွင် ထိုင်လျက် ရောက်တတ်ရာရာ စကားများအား ပြောဆိုနေကြသည်ကို တွေ့ရလေ၏။ သူစိမ်းများ အနေဖြင့် ထိုလူနှစ်ယောက် ဤကဲ့သို့ ရင်းနှီးစွာ စကားစမြည် ပြောနေကြသည်ကို တွေ့ရပါမူ အထူးအဆန်း ဖြစ်နေလိမ့်မည် ဖြစ်သော်လည်း သင်္ဃန်းကျွန်း နယ်တစ်ဝိုက်တွင် နေထိုင်သူများ အဖို့မှာမူ အဆိုပါ မြင်ကွင်းမှာ ထူးဆန်းလိမ့်မည် မထင်မိချေ။

အဘယ်ကြောင့် ဆိုသော် ၎င်းတို့ နှစ်ဦးသည် သင်္ဃန်းကျွန်းနယ်တစ်ဝိုက် ဟုန်းဟုန်းတောက် ကျော်ကြားသော “ဘိုးငယ်” ဖြစ်သောကြောင့် ပင်တည်း။ “ဘိုးငယ်” ဆိုသည်ကို ရှင်းရသော် “ဘိုး” ဆိုသည်မှာ အသား မည်းနက်သော အစ်ကိုဖြစ်သူ “ဘိုးကြီး” ကို ရည်စူး ခေါ်ဝေါ်ခြင်း ဖြစ်ပြီး၊ “ငယ်” ဆိုသည်မှာ အသား ဖြူဆွတ်သော ညီငယ်ဖြစ်သူ “ငယ်ကြီး” အား ရည်စူး ခေါ်ဝေါ်ခြင်းပင် ဖြစ်လေသည်။ ယင်း အတွက်ကြောင့် ၎င်းတို့ နှစ်ယောက်အား “ဘိုးငယ်” ဟူ၍ ခေါ်ဝေါ်ကြလေ၏။

“ဘိုးငယ်” ဟူ၍ ခေါ်ဝေါ်ခြင်းမှာလည်း ၎င်းတို့၏ ရှေ့တွင် ခေါ်ဝေါ်ခြင်း ဖြစ်ကာ၊ ကွယ်ရာတွင်မူ “ဖြူမည်းညီနောင်” ဟူ၍သာ ခေါ်ဝေါ် သုံးစွဲတတ်ကြလေသည်။ အဘယ်ကြောင့် ရှေ့တွင် နာမည် အပြည့်အစုံ ခေါ်၍ ကွယ်ရာတွင် အမည်ပြောင် ခေါ်ဝေါ်ခြင်း ဖြစ်သတည်း ကိုမူ စာဖတ်သူများ အနေဖြင့် ရိပ်မိကြပေလိမ့်မည် ထင်ပါသည်။ ၎င်းတို့၏ ရှေ့တွင် အမည်ပြောင် ခေါ်ဝေါ် သုံးစွဲဝံ့သူ ဟူ၍လည်း သင်္ဃန်းကျွန်း နယ်တစ်ဝိုက်တွင် မရှိချေ။ ယင်းသို့ အမည်ပြောင်ဖြင့် ခေါ်ဝေါ်ခဲ့ပါကလည်း လွန်စွာ တုတ်ခိုင်လှသော ထိုလူနှစ်ယောက်၏ လက်အတွင်း မည်သို့ သက်ဆင်းသွားရမည်ကို သိနေသောကြောင့်ပင် ခေါ်ဝံ့သူ ဟူ၍ မရှိခြင်း ဖြစ်ပေသည်။

ထိုလူကြီး နှစ်ယောက် အကြောင်းအား နောက်များ အလျဉ်းသင့်ပါက ရေးသား ဖော်ပြသွားပါပေအံ့။ ယခုမူ အခြားသော အကြောင်းအရာ တစ်ခုသို့ ဆက်ဦးစို့။

=========================

Continue reading

လူဝကြီးနှင့် လူပိန်ကြီး


++++++++++++++++++++++++++++++++++++

တစ်နေ့သ၌ လွန်စွာမှ ဝဖိုင့်သော လူကြီးတစ်ဦးနှင့် လွန်စွာမှ ပိန်ညှောင်သော လူကြီးတစ်ဦးတို့သည် ကျဉ်းမြောင်းလှသော တစ်ယောက်သွား လမ်းကြပ်လေးအတွင်း ရင်ဆိုင် တိုးမိကြလေ၏။

ထိုအခါ လူဝကြီး မှ …..

“………..

ဟေ့ကောင် နံပိန်၊ ဘေးကို ကပ်စမ်း

……..”

– ဟူ၍ အမိန့်ဆန်ဆန် လေသံဖြင့် ဆိုလေရာ လွန်စွာမှ ပိန်ညှောင်သော လူပိန်ကြီးမှ ခပ်မာမာ လေသံဖြင့် ဤသို့ ခွန်းတုံ့ပြန်လေ၏။

“………..

ဟေ့ကောင် ဝက်ကြီး၊ မင်းသာ ထိုင်လိုက်စမ်း၊ ငါ မင်းအပေါ်က ကျော်ခွသွားမလို့

……..”

ထို့နောက်  ၎င်းတို့ နှစ်ယောက်သည် ဤသို့ အချေအတင် ပြောကြလေ၏။

“………..

လူဝကြီး – “ဘာကွ၊ မင်း နံရိုးတွေ ကျိုးချင်ပြီ ထင်တယ်”

လူပိန်ကြီး – “အောင်မာကွာ၊ မင်း ဝက်ကင် ဖြစ်သွားချင်လို့လား”

လူဝကြီး – ((ဟက်ဟက်ပက်ပက် တစ်ချက် ရယ်လိုက်ပြီး))

“အဟက် …၊ လူကြည့်တော့ဖြင့် ငါ့ တစ်ချက်ထိုးစာတောင် မရှိဘူး၊ လက်သီးနဲ့ ပြောတာနော် ကိုယ့်လူ … အဟက် .. ဟက်”

လူပိန်ကြီး – ((လွန်စွာ ဒေါပွသော မျက်နှာပေးဖြင့်))

“ဟေ့ကောင် ဝက်ကြီး၊ ဗလ တော့ မရှိဘူး၊ ဇ တော့ ရှိတယ်ကွ၊ နားလည်လား။ ခါးပတ်နက်တောင် ရထားတဲ့ ကောင်ကွ။ ဘာမှတ်နေလဲ”

……..”

 

ထိုအခါ လူဝကြီးမှာ လူပိန်ကြီးအား ရီကျဲကျဲ မျက်နှာပေးဖြင့် ခေါင်းမှစ၍ ခြေဖျားဆုံးထိ သေချာစွာ ကြည့်လိုက်ဟန် ပြုပြီးနောက် ….

“………..

မဟုတ်မှ လွဲရောပဲ၊ မင်း ရတဲ့ ခါးပတ်နက်ဆိုတာ မင်း မိန်းမ ထမီက အထက်ဆင် အနက်စကြီးပဲ ဖြစ်ရမယ် .. ဟီဟိ

……..”

– ဟူ၍ ခပ်ထေ့ထေ့ ပြောလိုက်လေရာ လူပိန်ကြီး၏ မျက်နှာမှာ ဒေါသကြောင့် လွန်စွာမှ နီးမြန်းသွားပြီးလျှင် …. ခါးကြားတွင် အသင့်ဆောင်ထားသော ဓါးကို ထုတ်ယူကာ လူဝကြီး၏ ဝမ်းဗိုက်ဆီသို့ ဦးတည်၍ အားကုန် ထိုးသွင်းလိုက်လေတော့၏။

 

ထို့နောက် ………..

ထို့နောက် ………………….

ထို့နောက် …………………………

မည်သို့ မည်ပုံ ဆက်ဖြစ်ကြသနည်း ဟူမူကား ??????

စာရှုသူ အသင်လူသားတို့၏ သဘောသာလျှင် ဖြစ်ချေတော့သည် တမုံ့ ……။

(( …. သို့တည်းမဟုတ် အခါအခွင့် သင့်သည့်အားလျော်စွာ တင်ဆက်ပေးသွားပါမည့် အကြောင်း …. ))

 

++++++++++++++++++++++++++++++++++++

– မဟာရာဇာ အံစာတုံး

++++++++++++++++++++++++++++++++++++

ဘ ဘာ ဘား ဘိ ဘီ ဘီး


======================

ဘရန်ဒီ တစ်ပြားနဲ့ ခပ်ပါးပါးကျနေတဲ့ မိုးစက်တွေအောက်မှာ တစ်ယောက်တည်း လျှောက်လှမ်းနေမိတယ်။ ဘာသိဘာသာ နေနေကြတဲ့ လမ်းဘေး ခွေးတစ်အုပ်က လူကို မြင်ကာမှ တဝုတ်ဝုတ်နဲ့ ဟောင်တယ်။ “ဘားမားပြည်ကြီးဟာ အရင်လိုပါပဲလား” လို့ စိတ်အတွင်း မှတ်ချက်ပြုရင်းနဲ့ ဟောင်နေတဲ့ ခွေးတစ်အုပ်ကို မသိကျိုးကျွံပြုကာ ကိုယ်ရဲ့ ဦးတည်ရာဆီ ဆက်လက် ချီတက်လာခဲ့ပါတယ်။

“ဘိ” သံတွေ အဆက်မပြတ်ထွက်လာတဲ့ ခန္ဓာကိုယ်မှာ မန်မိုရီ ကြောင်တာထက် ဂရပ်ဖစ် ပြဿနာပဲ ဖြစ်ဖို့ များပါတယ်။ ဘီယာနဲ့ ဘရန်ဒီကို ရောချလို့ခဲ့လို့ အမြင်တွေ ဝေဝါး ရမ်းခါနေတာတော့ မဖြစ်နိုင်ကြောင်း သဘောပေါက်မိသည်။ ဘီးတပ် ယာဉ်တစ်စင်းဆီမှ “ကျွီ” ခနဲ အသံခပ်ပြင်းပြင်း နားအတွင်း ဝင်ရောက်လာတော့ ဘေးကို ခေါင်းတစ်ချက် ငဲ့ကြည့်မိပြန်သည်။ ဘုမသိဘမသိ ယာဉ်ထဲက လူက ဇက်ပိုးကို “ဖြောင်း” ခနဲ ဇက်ပိုးကို လာရိုက်သည်။ “ဘူ” လို့ မထွက်ဘဲ “ရှူး” ဆိုပြီး တိုးတိုးလေး ထွက်သွားတဲ့ အီးလိုမျိုး ကိုယ့်ဇက်ပိုး လာအုပ်သူက ဒက်ဒီဖားသားဖေဖေ ဖြစ်နေလေတော့ ပေါက်ကွဲရမယ့် ကိစ္စဟာ အဖျားရှူးသွားရတယ်။

ဘူးခံလို့ ငြင်းဆန်သော်လည်း မရသည့် အဆုံး ဖွတ်ထားတဲ့ ပုလင်းပြားကို လှစ်ဟာပြရင်း “ကျုပ် အိမ်ပေါ်က ဆင်းတယ်” လို့ ခပ်ပြတ်ပြတ်ပဲ ပြောပစ်လိုက်တော့တယ်။ ဘေထုပ် ဆိုင်က (၂၀၀၀) နဲ့ ဝယ်ထားတဲ့ အနက်ရောင် ရှပ်အင်္ကျီရဲ့ အပေါ်က ကြယ်သီးနှစ်လုံးကို ဖြုတ်လို့ လေညှင်းတွေ ဝင်ပါစေတော့ရယ်လို့ ရင်အစုံကို ခပ်ဟဟ ဖွင့်နေတဲ့အခိုက်မှာ “ဝူးခနဲ” အသံတစ်ခုဟာ ဘေးနားကနေ အဝေးသို့ ထွက်ခွာသွားတော့တယ်။ ဘေးဘီဝဲယာကို ရီဝေဝေ တစ်ချက်ရမ်းပြီး ကြည့်လိုက်တော့ သစ်ပင်ကြီးကလည်း မလှုပ်မယှက်၊ အမှောင်တွေ ကြားထဲမှာ ပိုးစုန်းကြူးလေး တစ်ကောင်ကတော့ဖြင့် တစ်ဖျတ်ဖျတ်နဲ့ အမှောင်ကို သူ့အလင်း ပိစိညှောင့်တောင့်လေးနဲ့ အံတုလို့ နေလေရဲ့။

[ဆက်ရန်]

============================
By – မဟာရာဇာ အံစာတုံး
============================

နောက်ဆုံး ကဗျာ ……။


+++++++++++++++++++++++++++++++++++

နောက်ဆုံး ကဗျာ ….။

+++++++++++++++++++++++++++++++++++

ကမ္ဘာမှာ နေသာတဲ့ တစ်နေ့ …

“သူမ” ကို စတင် တွေ့ခဲ့ရသည် …

မြင်မြင်ချင်း ချစ်ခဲ့မိပါသည် ……….။

 

ရင်ထဲမှာ မိုးချိန်းသံတွေ ကြားရတဲ့အချိန်က

စည်းချက် မညီတဲ့ နှလုံးသားနဲ့

သူမ ထံ ချစ်သဝဏ်လွှာ ပါးခဲ့သည် ……။

 

လေနုအေးလေး တိုက်ခတ်တဲ့ နေ့က

သူမနဲ့ တွေ့ခွင့်ရခဲ့သည် ….

ဇွန်းတပ်ပြီး ပျော်ခဲ့သည် ……။

Continue reading